Quen somos
EDEX é unha organización social que persigue dous propósitos principais:
- O desenvolvemento positivo das nenas, dos nenos e dos adolescentes.
- O apoderamento persoal e cidadán.
Creamos, xestionamos e avaliamos programas educativos de promoción da saúde, prevención do abuso de drogas, educación afectivo-sexual, fomento da convivencia, etc.
O noso modelo
Inspira o noso traballo a educación en habilidades para a vida proposta pola Organización Mundial da Saúde. Un modelo que fomenta o desenvolvemento socioemocional, mediante a abordaxe de 10 habilidades:
- Autocoñecemento
- Empatía
- Comunicación asertiva
- Relacións interpersoais
- Toma de decisións
- Manexo de problemas e conflitos
- Pensamento creativo
- Pensamento crítico
- Manexo de emocións e sentimentos
- Manexo de tensións e estrés
O programa
A aventura da vida é un programa de educación para a saúde pensado para nenas e nenos de 8 a 11 anos, o seu profesorado e as súas familias. Promove o desenvolvemento de habilidades para a vida e hábitos saudables, que concreta en 12 temas:
- Autorrespeto
- Enfrontar os desafíos
- Manexar a tensión
- Relacionarse
- Tomar decisións
- Uso de medicamentos
- Consumo de alcol
- Consumo de tabaco
- Actividade e descanso
- Alimentación
- Seguridade
- Hixiene
O mesmo grupo de amigas e amigos que protagonizan os contidos e dinámicas do programa son tamén personaxes centrais da iniciativa Contos para conversarmos.
A evolución da aventura da vida ao longo do seu primeiro cuarto de século pódese coñecer na memoria: 25 anos promovendo a saúde en Educación Primaria.
Ferramentas
Para a escola
4 álbums de cromos
Un para cada nivel educativo, presentan diversas situacións vencelladas ás habilidades para a vida e aos hábitos saudables mencionados.
Guía para o profesorado
Presenta os seguintes contidos:
Obxectivos e contidos
36 actividades para cada nivel
Recursos e dinámicas educativas
Os 12 temas que aborda o programa
Inclúe unha colección de 38 historias animadas de 3 minutos na que os protagonistas do programa viven diversas situacións vencelladas aos seus contidos.
